Haldið var GPS námskeið hjá okkur í dag og var góð mæting 20 manns,kennari var Stefán Markússon frá Landsbj.

Tetra námskeið.
Haldið verður námskeið í notkun á Tetra fjarskiptakerfinu ,verður það á Húsavík hjá félögum okkar í bjsv, Garðari sunnudaginn 27 janúar kl. 12 -16 .
Skráið ykkur hjá formanni  866 9850

Kverkfjallaferð 23-9  2006

Lögðum af stað úr Bárðardal frá Stóruvallabrúnni rétt rúmlega fimm um

morguninn.  Keyrðum beina leið suður að vegamótum við Fjórðungsvatn og

vorum komnir þar rétt rúmlega sjö um morguninn.  Þar hittum við Súlumenn

og héldum svo áfram beinustu leið inn í Vonarskarð með smá stoppi á

Gjóstuklifi.  Síðan var ekki stoppað fyrr en við jökulröndina neðan við

Köldukvíslarjökul þar sem teknar voru út olíutunnur og dælt á bílana áður

en lagt var á jökulinn.  Síðan var lagt í hann upp jökulinn hægt og

örugglega.  Eftir krókaleiðum komumst við upp á jökulinn og gátum keyrt

nokkuð óhikað austur í Kverkfjöll. Þegar þar var komið við sögu byrjuðu

vandræðin að láta á sér kræla.  Byrjaði það með því að við affelguðum

fyrst eitt dekk og skömmu seinna annað  bæði á sömu hlið.  Eftir töluvert

stímabrak tókst okkur með dyggri aðstoð ferðafélaga okkar að koma fyrra

dekkinu á. Þá héldu þeir áfram og við ætluðum að koma á hælana á þeim

en þá vildi ekki betur til en svo að hitt dekkið fór út af og fórum við

strax að reyna koma lofti í það þar sem við vorum staddir. Bar þá að

nokkra félaga úr Ferðaklúbbnum 4x4 sem voru í skemmtiferð á jöklinum og

aðstoðu þeir okkur með hitt dekkið  með því að lána okkur kolsýrukút til

að sprengja dekkið út á felguna.

  Gekk það eins og í sögu og gátum við þá haldið áfram þegar þessu var

lokið. Komumst við hér um bil á áfangastað  þar sem endurvarpinn var en

snérum við þegar við mættum þeim félögum okkar með endurvarpann

liggjandi á sleða aftan í einum bílnum.  Eltum við þá síðan á nýja

staðinn þar sem átti að koma honum fyrir að nýju og aðstoðuðum við að

festa hann þar niður.  Síðan fengum við okkur að drekka áður en lagt var

í hann til baka.  Á þessum tímapunkti höfðum við Palli sætaskipti þar

sem hann var búinn að keyra nánast neðan úr Mýri um morguninn og tók

undirritaður við stýrinu. Nú var keyrt í einni dorru alveg niður af

Köldukvíslarjöklinum og ekkert stoppað neitt að ráði fyrr þangað var

komið.  Þar var klárað að tæma tunnurnar og þær settar inn í Fordinn hjá

Súlum aftur.  Þarna er klukkan orðin hálf sex og ákváðum við Palli að

bruna beinustu leið heim og skildu því leiðir þarna undir jöklinum. Bar

svo ekkert til tíðinda á leiðinni heim og vorum við komnir niður að

brúnni við Stóruvelli um klukkan níu um kvöldið þreyttir og pínu

svekktir út af dekkjaveseninu en himinlifandi með ferðaveðrið. Slæ

ég svo botninn í ferðasöguna hér.

Páll Kjartansson

Einar Ingi Hermannsson

Myndir úr ferðinni eru í mynda albúmi.